Обука за Motion Graphics Artist, една од најбараните професии во креативната индустрија
Обуката за Motion Graphics Artist е насочена кон стручно оспособување и совладување компјутерски вештини од областа на движечките графики како една од најбараните визуелни вештини во денешно време.
Дизајнерите на движечки графики ги користат своите уметнички и компјутерски вештини за да создадат визуелни слики што можат да се инкорпорираат во видео игри, филмови, телевизиски емисии, реклами или други форми на медиуми. Овие дизајнери посебно се фокусираат на слики поврзани со филмови, наместо печатени материјали. Иако им е потребен уметнички талент за да направат рачно нацртани илустрации, да вклучат детали за креатива на игра или филм и да развијат соодветна графика за употреба, исто така им се потребни силни компјутерски вештини за да го финализираат дизајнот.
Кој може да ја посетува обуката?
Ако си личност која сака да ја развива и истакне својата креативност, сакаш да учиш дизајн и движечка графика, да имаш кариера во креативната индустрија, твојот профил е совршен за оваа обука.
Без разлика дали си студент, вработен, невработен или пак веќе работиш во оваа област, оваа обука ќе те подготви за кариера како Motion Graphic Artist.
Adobe софтвери кои ќе ги учиш во пакетот:
Со користење на софтверот Adobe Illustrator, ќе ги совладаш основните техники потребни да се креираат различни типови на Flat дизајни, секакви статични графики и илустрации, а потоа со популарниот софтвер Adobe After Effects ќе научиш како тие статични графики да оживеат преку анимирање и креирање на движечки графики.
Дополнително, ќе се запознаеш со процес на дизајнирање, ќе креираш анимации и видео клипови следејќи ги најновите и актуелни стандарди во индустријата, сето тоа преку работа на проекти под менторство на Adobe инструктори и професионалци од индустријата.
Кариера
Целта на обуката е да научиш да дизајнираш движечки графики, и да бидеш подготвен да работиш како Motion Graphic артист во студио, во филмска или видео продукција или да започнеш кариера како фриленсер.
Стекнатите вештини ќе ти помогнат полесно вработување, како и осамостојување при извршување на секојдневните задачи на работа и/или обезбедување на самовработување. Програмата нуди можност за напредување на повисоки нивоа-курсеви за графички дизајн, вклучување на пазарот на труд и вработување во фирма или хонорарно.
Дали се пронајде?
Ако да, подолу се курсевите низ кои ќе го почнеш своето патување кон движечката графика.
Програма
Листа на сите курсеви Adobe CC
Во Adobe Authorized Training Center, може да се следат курсевите кои се дадени во табелата. Во цената на секој Adobe курс вклучени се подготовка за Adobe Certified Professional (ACP) испит и еден ваучер за полагање.
Сертификати: Adobe Certified Professional
По завршување на обуката секој кандидат полага официјален Adobe испит за да се стекне со официјалната титула:
- Adobe Certified Professional in Visual Effects & Motion Graphics using After Effects, меѓународен сертификат кој е одлична оценка за владеење со апликацијата и ги потврдува вештините во визуелните ефекти и движечката графика користејќи ја After Effects апликацијата.
Придобивки
- Официјална обука во Adobe Авторизиран Тренинг Центар
- Adobe Certified Instructors по најнови верзии
- Лиценциран Adobe софтвер во училница
- Официјална наставна програма од Adobe согласно најновото издание на книгите - Classroom in a book со вклучени вежби
- Официјален сертификат за посета на курс издаден од Adobe
- Можност за стекнување на меѓународно признат сертификат - Adobe Certified Professional (АСP) за соодветна Adobe апликација. Подготовката за АСP испит и еден ваучер за полагање се вклучени во цената на Adobe курсот.
Методи
Во реализација на програмата ќе се применуваат современи наставни методи, кои ќе му овозможат на кандидатот континуирана активност за целокупното траење на обуката. Секоја наставна единица е поткрепена со специјално изработени вежби согласно официјалната програма на Adobe и официјална литература во најновите верзии на Adobe Illustrator CC и Adobe After Effects CC - Classroom in a book, The official training workbook from Adobe.
Наставата ќе се одвива преку онлајн настава во виртуелни училници или во специјализирана компјутерска предавална со потребната опрема каде секој посетител работи самостојно на компјутер со потребните Adobe софтвери за дизајнирање. Обуката ја изведуваат сертифицирани инструктори на експертско ниво во владеење на Adobe софтверите за дизајнирање.
Истовремено, во целото времетраење на овој пакет, инструкторите ќе ве менторираат за изработка на кратко видео со flat илустрации, нивна кратка анимација, и синхронизација на тие анимации со звучни ефекти и музика. Во текот на целата обука, самостојно ќе го работите проектот низ сите фази, но со помош и насока од менторите.
Стекнати вештини и компетенции
Со завршување на обуката за Adobe Motion Graphics Artist, посетителот ќе знае да ги применува најновите принципи и технологии во оваа област, како и ќе научи да:
- ги користи класичните Adobe алатки Illustrator и After Effects
- работи со векторска графика
- работи со фонтови, бои и симболи
- креира Flat design карактери и објекти
- анимира векторски форми и текст
- подготвува видео композиции од повеќе елементи
- креира примамливи кратки видео анимации
- работи со звучни ефекти и музика
- синхронизира анимации со звук
- работи со видео фајлови
- рендерира видео композиција
Начин на плаќање
- Уплата во готово со уплатница или дебитни картички
- Уплата на рати со кредитни картички
- Уплата на рати без камата со кредитни картички на Стопанска Банка
- Уплата на фактура